Në një deklaratë për mikrofonat e “Liverpool Echo”, trajneri i “të kuqve”, Jurgen Klopp ka dhënë mendimin e tij për Emre Can, i cili nuk pranoi të rinovonte kontratën me Liverpool dhe tani do të luajë për Juventus.
“Nuk i mbaj mëri dhe nuk kam asnjë problem me Emre. Ai donte më shumë parà. I thashë të firmoste për ne dhe do ta shisnim sapo të vinte oferta e duhur, në mënyrë që të fitonte edhe klubi, por kjo nuk ndodhi, – deklaroi gjermani i Liverpool në lidhje me bashkatdhetarin e tij.
Nuk ka pasur asnjë debat mes nesh. Emre është 24 vjeç dhe pas përvojave në Gjermani e Angli më tha se donte një shtet të ri. E kuptova që pas katër viteve në Liverpool donte të ndryshonte ambient. Eshtë diçka normale.”
