Milan vijon të jetë në kërkim të një mesfushori të niveli të tillë që të mund të ngrejë lart cilësinë teknike të repartit të mesfushës kuqezi. Mes kandidatëve në listë, të paktën sipas aludimeve dhe raportimet nga mediat italiane, veç Milinkovic-Savic, emri më shumë i akredituar është ai i kampionit të botës, Adrien Rabiot, gjysmë-allë i Paris Saint Germain, kontrata aktuale e të cilit me klubin francez skadon në verën e vitit 2019.
Por, sikur të mos mjaftonte fjala e drejtuesit të lartë të Milan, Leonardo, ajo që shuan thuajse përfundimisht shpresat e tifozerisë kuqezi për të festuar afrimin e Rabiot, është edhe lajmi i orëve të fundit, sipas të cilit, klubi i PSG i ka ofruar rinovimin e kontratës futbollistit të përfaqësueses franceze. Lajmi është bërë publik nga eksperti i merkatos italiane, Alfredo Pedullà, i cili në llogarinë e tij në “Twitter”, ka deklaruar: “PSG, tjetër propozim rinovimi për Rabiot: përgjigja brenda kësaj jave”.
