Në super formë, i buzëqeshur dhe në shoqëri mjaft të mirë. Kështu është fotografuar futbollisti i njohur Marko Borrielo, i cili ndodhet me pushime në Ibiza të Spanjës.
E përjavshmja italiane “Chi” ka publikuar imazhet e “jetës së ëmbël” të futbollistit, i cili është në kërkim të një skuadre për sezonin e ardhshëm. Ai është duke u relaksuar në shoqërinë e disa mikeshave të tij super seksi në ishullin spanjoll, ku janë kapur topless.
Si çdo verë, sulmuesi është gjithmonë në qendër të vëmendjes së paparacit që kërkojnë të zbulojnë prezencën e ndonjë të dashure në jetën e tij.
Deri tani, Borrielo ende nuk e ka gjetur njeriun e tij të zemrës. Pavarësisht se rrethohet prej femrave të bukura, nuk ka ardhur akoma vajza që i ka “vjedhur” zemrën. E teksa ende është i lirë, 36-vjeçari gëzohet duke bërë si “playboy”.