Real Madridi i ka nisur kontaktet për transferimin e mundshëm të dyshes së Premierligës, Mohamed Salahut dhe Harry Kane, gjatë këtij afati kalimtar.
Pasi e humbi Cristiano Ronaldon dhe dështimit të afrimit të Eden Hazardit dhe dyshes së Paris Saint-Germainit, Neymarit dhe Kylian Mbappes, kampioni evropian tani ka vendosur ta kthejë vëmendjen kah dy yje tjera, transmeton Express.
Mohamed Salah dhe Harry Kane janë dy futbollistët që i interesojnë Realit për fazën e sulmit.
Drejtuesit e gjigantit spanjoll i kanë kontaktuar ndërmjetësit e dyshes për të kuptuar më shumë rreth mendimit të tyre për një transferim të mundshëm në kryeqytetin spanjoll.
Megjithatë, Salah është i lumtur dhe përkushtuar ndaj Liverpoolit pasi sapo ka nënshkruar kontratë të re, derisa Harry Kane ka qenë indiferent ndaj Realit.
