Me Kristiano ronaldon si pjesë e saj tashmë Seria A është bërë edhe më tërheqëse, jo vetëm për shpenzimin e madh të klubit të Juventusit por edhe për shkak të vlerave që një lojtar si portugezi mund ti sjellë këtij kampionati. Megjithatë tashmë vëmendja shpeshherë zhvendoset edhe te tifozet e tyre më të zjarrta që ndodhen në tribunë.
Së bashku me luzitanin në Torino ka mbërritur edhe e dashur e tij, Xheorxhina Rodrigez e cila ka pasur shumë sukses në fushën e modelingut në vitet e fundit. Megjithatë konkurrenca për vëmendje në Itali nuk është vogël. Ajo do të hasë vështirësi me të dashurat e futbollistëve të tjerë ku në sy bie ajo me Vanda Narën (bashkëshortja e Mauro Ikardit) dhe Jovana Xhorxheviç (bashkëshortja e Filip Xhorxheviç) të cilat kanë një vëmendje të madhe në Itali.