Sulmuesi i Juventusit, Cristiano Ronaldo, mendon se djali i tij, Cristiano Junior, do të bëhet si ai, por përkundër talentit dhe dëshirës, Ronaldo nuk do t’i bëjë presion që ai të zgjedhë të bëhet futbollist.
Ronaldo është emëruar ambasador i Dazn Italia, një brendi për transmetimin e ndeshjeve sportive. Në një intervistë ekskluzive për ta, portugezi, ndër të tjerash, ka folur edhe për djalin e tij, transmeton Gazeta Express.
“Ai është shumë garues. Është si unë kur isha fëmijë, nuk i pëlqen të humbasë. Ai do të bëhet si unë, jam 100 përqind i sigurt për këtë gjë”, ka thënë Ronaldo.
“Dua t’ia mësoj disa gjëra, por në fund ai do të zgjedhje se çfarë dëshiron të bëhet dhe gjithmonë do të ketë përkrahjen time. Por, natyrisht, dua që ai të bëhet futbollist sepse mendoj se ka shumë pasion për këtë gjë”.
