Ndërkohë që Milani është duke prezantuar zyrtarisht legjendën e tyre të rikthyer, Paolo Maldinin në rolin e Drejtorit të Zhvillimit Strategjik, Nikola Kaliniç ndodhet në Madrid. Sulmuesi i ekipit italian duket se e shikon të ardhmen e tij larg ekipit nga Milano.
Tashmë kroati do që të nisë një aventurë të re në Spanjë ku interes për të ka shfaqur Atletiko e Madridit. Sipas Xhanluka di Marcios çdo gjë është arritur mes klubeve dhe tashmë pritet vetëm zyrtarizimi që do të vijë në orët e ardhshme.
