Luciano Spalletti mendon se Sassuolo mposhti Inter-in me kundërsulme dhe një penallti. Ishte starti më i keq i mundshëm për kandidatët për titullin kampion këtë sezon, teksa janë mposhtur 1-0 në Mapei nga goli i Berardi-t me penallti.
“Sassuolo luajti mirë me kundërsulme, pasi është më e lehtë të qëndrosh mbrapa, të presësh dhe të bësh presing, ose kur humbet topin ashtu siç e humbnim ne,” shprehet trajneri për DAZN dhe Sky Sport Italia.
“Edhe fusha ishte shumë e keqe, dhe kjo e pengoi ekipin tim të luante më mirë. Në fund, e humbëm ndeshjen për shkak të një penalltie pasi Sassuolo nuk krijoi raste të tjera.
“Ekipi luajti lojën e duhur, thjesht kemi pësuar më shumë kundërsulme sesa duhet dhe ishte e vështirë të gjeje hapësira kur i gjithë ekipi kundërshtar qëndron mbrapa, sidomos pasi mori avantazhin.”