Vetëm pak orë më parë u konfirmua largimi i Gerhard Prognit nga Partizani dhe menjëherë më pas konfirmimi i këtij të fundit te Teuta. Lëvizja e zhvilluar brenda një kohe të shkurtë, lë të kuptohet se 31-vjeçari i ka patur të qarta qëllimet dhe se pas largimit nga të kuqtë, ka ditur mirë adresën e re.
Me kalimin te Teuta, Progni i heq shansin vetes të ketë mundësi të ndryshojë skuadër të paktën deri në verëne vitit 2019, kjo për faktin se ka plotësuar numrin e skuadrave brenda një sezon që një lojtar mund të aktivizohet.
Aktivizimi me Partizanin në Europë dhe aktivizimi në dy javët e para të kampionatit me këtë skuadër, tropojani i heq vetes mundësinë për të bërë një lëvizje të mundshme në merkaton e janarit. Me kalimin te durrsakët, ai “burgos” veten minimumi për një vit duke mos shpresuar për një ndryshim në rast se ka një ofertë të mirë nga një tjetër skuadër.
