Në pritje të fundit të telenovelës së quajtur Luka Modric në këtë merkato vere, në Spanjë kanë nisur që të dalin në dritë detajet e vendimit për të bërë prapakthehu të kroatit. Nëse në fillim ishte thënë se mesfushori hezitonte të shkonte në Milano tek Interi për shkak të ofertës ekonomike, e përditshmja sportive spanjolle “AS” shkruan arsye të tjera që kanë ndikuar sipas saj në tërheqjen e Modric.
Rinovimi i kontratën do ta bëjë Modric-in një nga futbollistët më të paguar të Realit. Ai do të marrë 10 milionë euro në një sezon, e kjo rrogë do të jetë e njëjtë me atë të kapitenit Sergio Ramos, e pas yllit Gareth Bale. Një tjetër arsye është shansi që ai ka për të fituar trofe duke qenë një “galaktik”. Reali ka 4 Champions në 5 kompeticionet e fundit, kurse Interi nuk e fiton prej 8 vitesh
Një arsye tjetër është edhe familja, që në këto 6 vite është përshtatur mirë në Madrid dhe pjesëtarët nuk kanë dëshirë që të largohen. Ardhja e Julen Lopetegui-t gjithashtu ka ndikuar te mesfushori. Tekniku i ri nuk do ta ndryshojë stilin të luajturit të ekipit, por do të vazhdojë me atë të ish teknikut Zidane.
Në fund, ndikim ka edhe largimi i Cristiano Ronaldo-s. Me portugezin te Juvja, në ekip ka një boshllëk dhe kroati ka shansin që ta mbushë atë dhe të kthehet në ikonën e re të skuadrës.