Ndeshja e tretë e kampionatit për Napoli, që pasi luajti dy herë të shtunën në mbrëmje kundër Lazio e Milan, duke i fituar të dyja sfidat, do të udhëtojë për në fushën e Sampdoria, në orën 20:30, të dielën në mbrëmje.
Gjatë konferencës për shtyp, trajneri Carlo Ancelotti, tha: “Eshtë shumë shpejt të mendojmë për renditjen, por duhet të mendojmë për fitoren në Genoa, që nuk do të jetë e lehtë. Formacioni? Do të bëj disa ndryshime vetëm për të mbajtur grupin e motivuar, por jo sepse ata që kanë luajtur më parë kanë gabuar. Për fatin tim kam më shumë se 11-të futbollistë që meritojnë të luajnë.”
Ancelotti flet edhe për grupin e Champions League: “Do të jetë e vështirë sepse janë tre ekipe të forta dhe Crvena Zvezda. Kam luajtur në Beograd dhe e di sa i vështirë është ambienti aty. Mendoj se edhe PSG e Liverpool janë të shqetësuar nga ky grup, aq sa jemi ne. Ne kemi kartat tona për të luajtur edhe do t’i përdorim.”
Në fund, trajneri flet edhe për dëmtimet: “Younes ka nisur të vrapojë pas dy muajsh, ndërsa Ghoulam do të bëj një kontroll përfundimtar javën e ardhshme. Meret, ende nuk po punon për hedhjet, por shumë shpejt do të jetë me ne.”
