Frenkie de Jong, mesfushori i Ajax ishte një nga emrat më të lakuar në merkaton e fundit të verës. 21-vjeçari prej kohësh ndiqet nga Barcelona, e cila bëri disa oferta për të, por që u refuzuan nga klubi holandez.
Por katalanasit nuk janë klubi i vetëm të interesuar për De Jong, i cili sipas mediave angleze, së fundmi ka përfunduar në radarët e Tottenham, e cila me hapjen e merkatos së Janarit, pritet të bëjë një ofertë për ta transferuar në Londër.
Tottenham e mbylli sezonin e verës me zero transferime, si në hyrje, ashtu edhe në dalje, por Pochettino e ka të qartë që do t’i duhet një organikë më e pasur në pranverën e vitit të ardhshëm, periudhë kur vendosen fatet e sezonit.
