“Kemi punuar për të qenë në nivlein e skuadrave më të forta në Europë dhe këtë gjë e kemi treguar gjithnjë gjatë 4 viteve të fundit. Për fat të keq, i kemi humbur dy finale të Champions League, ndërsa në dy të tjera jemi eliminuar në çerekfinale. Këtë vit do të jetë ndryshe”, thotë mbrojtësi i Juventusit, Andrea Barzagli, një nga shtyllat e skuadrës kampione të Italisë.
Mbrojtësi beson se ardhja e Cristiano Ronaldo është e rëndësishme, pas ii ka dhënë një frymë të re skuadrës dhe ka përvojën për ta ndihmuar Juventusin të fitojë në Champions. “Ronaldo është një lojtar që e di se si fitohen finalet, ndaj nuk e fsheh, kjo Juve më duket më e fortë se ajo e viteve të fundit. Megjithatë, në fund të sezonti duam trofetë dhe aty do të kuptohet”, tha Barzagli.