Champions League fillon “rrugëtimin” e tij të gjatë të 64-t në hsitori. Por për herë të parë qeveria e futbollit europian UEFA ka vendosur të ndryshojë programin e ndeshjeve të kompeticionit më të fuqishëm të klubeve europiane.
Takimet nuk do të zhvillohen më në orën 20:45, por do të ndahen në dy orare 18:55 dhe 21:00. Një lëvizjë e tillë nuk është bërë pa arsye, por për të tërhequr sa më shumë tifozë përpara ekranit të televizorit. Një shumëfishim i teleshikuesve përkthehet në rritje të të ardhurave për korporatat televizive dhe UEFA-n. Megjithatë objektivi i vendosur nuk është i lehtë për t’u arritur pasi shumica e tifozëve në vendet europiane detyrohen që të ndjekin takimet menjëherë pasi përfundon orari zyrtar i punës.
Ky plan do të vazhdojë të ekzekutohet deri në përfundim të sezonit futbollistik 2020/2021.
