Monaco, finaliste e Champions League në sezonin 2003/04, do të presë kampionët e Europa League, Atletico Madrid, në ndeshjen e parë të Grupit B mbrëmjen e kësaj të marte. Kjo do të jetë përballja e parë mes këtyre dy skuadrave.
Skuadra e Leonardo Jardim do të kërkojë të shlyejë paraqitjen zhgënjyese të bërë në sezonin e kaluar, ku nuk ka arritur të fitojë asnjë nga gjashtë ndeshjet e luajtura në fazën me grupe (2 barazime, 4 humbje).
Gjithashtu, francezët nuk kanë marrë një fitore në tetë ndeshjet e fundit të Champions-it (2 barazime, 6 humbje), ecuria më e keqe në historinë e klubit. Ndërkohë, pasi fitoi vetëm një nga gjashtë ndeshjet e luajtura në fazën e grupeve të vitit të kaluar (1 fitore, 4 barazime, 1 humbje) Atletico doli në vendin e tretë dhe kaloi në Europa League, duke e fituar këtë kompeticion.
Skuadra e Simeone do të ketë përballë një ekip që ka humbur katër takimet e fundit të Champions-it që ka luajtur në shtëpi, duke pësuar të paktën dy gola në secilin prej tyre. Te dy skuadrat kanë shënuar gol në 10 nga 12 takimet e fundit të Monaco.
