Dinamos i shtohen problemet me dëmtimet para derbit të së shtunës me Tiranën në kampionat.
Romeo Harizaj dhe Rimal Haxhiu lanë të dy fushën në pjesën e dytë, pasi e kishin të pamundur të vazhdonin nga dëmtimet.
Portieri fierak dëmtoi kaviljen që në pjesën e parë, kur la zonën e tij për të larguar një top të rrezikshëm.
Harizaj u dëmtua gjatë rënies dhe menjëherë mori ndihmën mjekësore, tentoi të qëndronte në fushë, por vetëm 2 minuta pas nisjes së pjesës së dytë ia la vendin Bakajt.
Haxhiu, që luajti si mbrojtës i djathtë, pati një kontraktim dhe u zëvendësua me Ali Samaken çerek ore para fundit.
