Corentin Tolisso i pafat. Futbollisti, i cili u transferua në 2017 nga Lyoni te Bayern Munich, është i detyruar të mungojë pothuajse për pjesën më të madhe të sezonit.
Dëmtimi i rëndë që pësoi në sfidën kundër Bayern Leverkusenit e detyroi 24-vjeçarin t’i nënshtrohej një operacioni në ligametet e gjurit.
Sipas drejtuesve të klubit bavarez ndërhyrja kirurgjikale shkoi shumë mirë për futbollistin, por koha e rikuperimit të tij është 6 muaj. Rikthimi i francezit pritet të jetë në muajin Mars, por gjithçka do të varet nga faza e rikuperimit.
