Lacio humbi ditën e djeshme derbin me skuadrën e Romës. Portieri Strakosha bëri disa pritje vendimtare për skuadrën e tij, por në momentin e golit të parë të Romës ai u përplas me El Sharauin duke i dhënë mundësinë romanistëve të shënonin.
Portieri i Kombëtares Shqiptare pësoi dhe një gol nga goditja e dënimit nga lojtari serb Kolarov i cili pas ndeshjes për këtë gol në një prononcim për “ Il Messaggero” u shpreh: “Unë e pashë që Strakosha ishte vendosur keq në krahasim me murin mbrojtës dhe prandaj e gjuajta topin në atë mënyrë. Ne duhet të provojmë që jemi një skuadër së bashku dhe kjo na bën serioz në punën tonë”.
