Mbrojtësi legjendar Ciro Ferrara ka besim se Ronaldo nuk do të shënojë më shumë se 30 gola këtë sezon për Juventus. “Mendoj se do të shënojë maksimumi 25-26 gola këtë sezon, por me siguri që do të shënojë më pak se në La Liga,” shprehet Ferrara për Il Corriere di Torino.
“Në Itali është e vështirë dhe nuk e them këtë vetëm për mbrojtësit italianë që janë këtu, por edhe për stilin e futbollit. Është më taktik, madje edhe skuadrat e vogla janë të organizuara.
“Por Ronaldo nuk mund të kritikohet, ai është një fenomen dhe një profesionist i madh.
“Dybala përsëri në stol ndaj Parma-s? Mendoj se është një çështje taktike. Dybala nuk mund të luajë në krahë në një formacion 4-3-3, ndërsa në 4-2-3-1 ai do të ishte më mirë, por do të sakrifikohej një mesfushor.
“Pjanic luan më mirë me tre mesfushorë.”
