Futboll Sport

Laçi bën goditjen e madhe, zëvendëson direkt Uzunin me TALENTIN E KOMBËTARES

Laçi konfirmohet si një ekip që bazohet te talentet dhe të dëshira e mirë për të promovuar futbollistët e rinj. Presidenti Pashk Laska i ka të qarta idetë, reklamimin dhe shitjen e tyre jashtë Shqipërisë. “Bingoja” e fundit e numrit një të klubit ishte largimi i Myrto Uzunit. Ky i fundit nuk do të jetë më pjesë e kurbinasve për sezonin e ri, pasi u shit te Lokomotiva e Zagrebit.

Largimi i 23-vjeçarit është një goditje për formacionin e trajnerit Artan Mërgjyshi, megjithatë drejtuesit e klubit nuk kanë humbur shumë kohë dhe kanë bërë afrimin e radhës. Uzuni do të zëvendësohet kokë me kokë me Elvi Berishën. 19-vjeçarin e marrë nga skuadra e Leganes B. Mesfushori u zyrtarizua nga skuadra e Laçit dhe do të vihet nën urdhrat e teknikut të kurbinasve.

Fieraku është një emër që premton, pasi është pjesë e moshave të Shqipërisë dhe synon të tregojë veten me Laçin. Berisha është basti i radhës i Laskës. Presidenti synon që te lojtari të gjejë një tjetër futbollist që mund ta shesë. Premisat i ka të mira, pasi Berisha vjen nga futbolli spanjoll. Nuk arriti të depërtonte, por niveli i stërvitjes dhe serioziteti është i një shkalle tjetër. Të presim dhe të shohim nëse lojtari i dalë nga Akademia e Tiranës mund të zëvendësojë si duhet Uzunin.

Related posts

U GRUMBULLUA ME KOMBËTAREN SLLOVAKE/ Milan Skriniar analizon: Me ardhjen e Contes, Interi gati për…

Delo.autor

TRIUMFOJNË ME “POKER”/ Fitore bindëse për Real Madrid, treshja anti-Inter funksionon

Delo.autor

Morata: Mourinho më udhëzoi të “vrisja” Diego Costa-n

Q.Autor

Leave a Comment