Ikën edhe i huaji i fundit në Superiore. Tashmë Ze Maria e ka mbyllur me Tiranën, dhe vendin e brazilianit, mësohet se do të jetë një shqiptar që do e zërë. Siç ishte bërë me dije nga gazeta, që para 10 ditësh, edhe kur ndodhi tymnaja e parë e largimit të Ze Marias, trajneri i ri bardhebluve pritet të jetë një i “shtëpisë”, pikërisht Ardian Mema.
Aktualisht, ish-futbollisti i Tiranës, mban postin e zëvendës trajnerit te Flamurtari, ndihmës i Ilir Dajës, por me shumë mundësi ai do të lirohet nga kjo detyrë, për të vazhduan si trajner i parë i Tiranës.
Ardian Mema e ka kaluar të gjithë karrierën e tij tek klubi i Tiranës. Nga vitet 1989 deri në vitin 2003. Më pas, ai ka mbajtur poste drejtuese në klubin 24-herë kampion të Shqipërisë, ndërsa ka drejtuar edhe të rinjtë dhe ekipin B të Tiranës.
