Mendohej se askush nuk mund të zëvendësojë plotësisht Andres Iniestën te Barcelona, as në fushë dhe as në dhomat e zhveshjes. Pas 22 vitesh si katalanas, Iniesta u largua nga “Camp Nou” dhe për shumë tifozë blaugranas, ishte një humbje e madh.
Barcelona nuk është një klub që lë boshllëqe në ekip. Mesfusha e katalansve mbetet ende ndër më të mirat në Evropë. Kjo është edhe për meritë të Filipe Kutinjos.
Duke luajtur nën hijen e legjendës në sezonin e tij të parë në klub, Kutinjo nuk e pati shumë të lehtë. Por largimi i Iniestës duket se i ka dhënë krahë 26-vjeçarit. Tani ai mund të luajë në pozicionin e tij të preferuar në mesfushë.
Po, ai nuk mund të zëvendësojë ikonën e klubit në zemrat e tifozëve, por ai mund të sigurojë që rezultatet në fushë janë aq të mira sa me Iniestën në fushë.
