Duket se Real Madrid pa Cristiano Ronaldon nuk ka atë shkëlqimin që kishte një sezon më parë, e megjithatë Marcelo qëtëson tifozët duke thënë se është vetëm çështje kohe rikthimi i tyre.
Barazimi 1-1 me Athletico Bilbao ishte një rezultat zhgënjyes për madrilenët, të cilën humbën kreun e renditjes në kampionatin spanjoll dhe qëndrojnë dy pikë larg nga rivali i tyre i “përjetshëm”, Barcelona. Në përfundim të ndeshjes, i pyetur nëse Realit po i mungon CR7, Marcelo është shprehur se largimi i portugezit nuk duhet bërë shumë “tragjike”, pasi “Los Blancove” u janë larguar lojtarë të tjerë të mëdhenjë si Raul, Zidane, dhe sërish kanë qenë më të mirët.
“Mendoj se mbështetësit shpesh kujtojnë edhe Raul, Zidane … Cristiano, s’është i vetmi yll që i mungon Real Madrid “, tha braziliani.
Duke u ndalur tek ndeshja, 30-vjeçari vlerësoi se skuadra e tij bëri një lojë shumë të mirë, edhe pse nuk mundën do të merrinin një fitore.
“Barazimi është pak zhgënjyes. Ne shpresonim për një rezultat pozitiv. I dhamë të gjitha në fushë, përmirësuam në pjesën e dytë, krijuam shumë raste, por nuk shënuam dot golin e fitores. Ne kemi një ekip fantastik, luajtëm mirë edhe pse s’fituam ndeshjen”, përfundoi braziliani.
Kohët e fundit, Marcelo është vendosur në qendër të vëmendjes për një bashkim të mundshëm me Cristiano Ronaldon tek Juventusi, por deri më tani nuk ka asgjë zyrtare.
