Drejtori sportiv i Sevillas, Joaquin Caparros, konfirmoi dëshirën e spanjollëve për të blerë përfundimisht kartonin e sulmuesit Andre Silva nga Milani. Por, sipas tij, gjithçka do të varet nga performanca e portugezit gjatë këtij sezoni në La Liga.
Andre Silva u transferua në ditët e fundit të merkatos nga Milani në formë huazimi me të drejtë blerjeje për 30 milionë euro. Në takimet e para të luajtura me skuadrën andaluze, Silva ka bërë paraqitje të mira, duke arritur madje të shënojë një tregolësh që në takimin debutues ndaj Rayo Vallecanos.