Futboll Ndeshjet Live Sport

LIVE/ Kukësi-Luftëtari: Penallti e padhënë për prekje të topit me dorë, protestojnë gjirokastritët (VIDEO)

Po luhet në “Elbasan Arena” sfida e vlefshme për javën e 6-të të Kategorisë Superiore mes Kukësit dhe Luftëtarit. Të dy skuadrat vijnë në këtë përballje pas fitoreve në javën e 5-të, teksa do të kërkojnë të vijojnë ecurinë pozitive. Edhe pse me një diferencë të konsiderueshme pikësh në klasifikim, skuadrat nuk kanë shumë diferenca në organikën e lojtarëve.

Ndeshja

Pas triumfit ndaj Teutës, trajneri Gentjan Mezani kërkon të tregojë se fitorja në debutim nuk ishte një rastësi. Verilindorët në rast fitoreje, do t’i bashkohen Partizanit në krye, me pikë të barabarta.

LIVE| KUKËSI-LUFTËTARI 1-0

Rexhinaldo 49′

KOMENTI LIVE: 

57′ Frashëri bë një pritje spektakolare, duke i mohuar golin Luftëtarit.

56′ Provon të rrezikojë Luftëtari nëpërmjet goditjeve nga këndi, por largojnë rrezikun mbrojtësit e Kukësit.

51′ Kërkojnë 11-metërsh gjirokastritët pas topit të prekur me dorë brenda zonës nga Cuculi, por për gjyqtarin ishte gjithçka e rregullt. Protestojnë lojtarët e Luftëtarit.

49′ GOOOOL KUKËSI 1-0. Rexhinaldo godet saktë nga pika e bardhë e penalltisë. 

48′ Ramadani ndërhyn në mënyrë të gabuar ndaj Cuculit. Kemi të bëjmë me 11-metërsh.

46′ Starton pjesa e dytë. Kukësi kryen zëvendësimin e parë, largohet Shafik, në fushë Shpaher.

Mbyllet pjesa e parë, 0-0. 

45′ Akordohet 1 minutë shtesë.

45+1′ Ndëshkohet edhe Rapa për ndërhyrje të gabuar ndaj Ethemit.

42′ Kartoni i parë i verdhë në këtë ndeshje, ndëshkohet Rexhinaldo.

38′ Rast i shkëlqyer për Kukësin, Shafik godet bukur me kokë nga brenda zonës, topi shkon ngjitur me traversën.

36′ Radoviç provon të niset i vetë, por del portieri Frashëri që kontrollon topin.

26′ Kukësi pretendon për një 11-metërsh pas një kontakti brenda zonës, por gjyqtari nuk është i këtij mendimi.


22’ Shkurtaj dhe Ymeri kombinojnë bukur në hyrje të zonës së Kukësit dhe niset një top për Rrapën i vetëm në zonën, por pozicioni i tij është i parregullt.

19′ Rasti i parë i rrezikshëm për Kukësin, Ethemi nga shumë pranë ka goditur në mënyrë të gabuar, duke e dërguar topin jashtë kuadratit.

17’ Tjetër top i nisur para në sulm nga ana e Luftëtarit, por Shameti ndërhyn duke larguar në mesfushë.

15′ Shkodra gjuan lehtë, duke mos shqetësuar portierin Ruçi.

13′ Limaj provon me një gjuajtje nga distanca, por topi shkon shumë larg kuadratit.

6′ Melo hedh një top të rrezikshëm në zonë, por largon mjaft mirë Rapa.

5′ Ndeshje e luftuar në mesfushë, por pa raste konkrete në portat kundërshtare.

1′ Ka nisur takimi në “Elbasan Arena”

Related posts

U PËRFOL SE FANTAZISTI DO TË TRANSFEROHEJ NË TURQI/ Flet trajneri i ri i Arsenal: Ozil është një lojtar me peshë…

Delo.autor

E ARDHMJA E LAUTARO MARTINEZ? Babai i “Demit” zikaltër tregohet diplomatik

Delo.autor

SHQIPËRIA U-18/ “KuqeZitë” e Olsi Ukut mbyllin në vend të katërt turneun e Kroacisë

Delo.autor

Leave a Comment