Roberto Mancini, trajneri i Italisë, ka vendosur të ndryshojë ekipin pas barazimit zhgënjyes të marrë në ndeshjen e parë të Nations League kundër Polonisë.
Sipas shtypit italian, Lornezo Insigne dhe Mario Balotelli do të jenë dy lojtarët që do të mbeten jashtë formacionit titullar për ndeshjen e dytë të kompeticionit të UEFA, që katër herë kampionët e Botës do të luajnë të hënën kundër Portugalisë.
Ish-trajneri i Zenit-it po mendon të krijojë një “BBC” të re, me Andrea Belotti-n në qendër të sulmit, i mbështetur nga krahët nga Chiesa, një nga më të mirë kundër Polonisë, dhe njërin mes Berardi-t dhe Bernardeschi-t.
Pritet të jenë titullarë edhe Criscito me Benassi-n.
