Tomas Myler barazon dy legjendat e Gjermanisë, Sep Majer dhe Karl Hainz Rumenige. Ai ka zhvilluar ndeshjen e 95-të me kombëtaren, po aq sa 2 të sipërpërmendurit. Kur mendon se Myler është vetëm 28 vjeç atëherë kjo është një arritje e jashtëzakonshme.
Ai madje është një nga futbollistët më me eksperiencë në kombëtaren e Lëv dhe ndiqet nga Toni Kros. Ky i fundit numëron 87 prezenca, duke kaluar një tjetër legjendë, Oliver Kahn.
Myler dhe Kros kanë një rrugë të gjatë përpara, pasi ata nuk janë as në 10 më të aktivizuarit. Listën e kryeson Lotar Mateus duke e mbyllur me 150 ndeshje me përfaqësuesen gjermane. Gjermania barazoi 0-0 mbrëmjen e djeshme me Francën, ndeshje e vlefshme për Ligën e Kombeve.
