Interi mbrëmjen e djeshme ka arritur fitoren e tretë radhazi dhe të dytën në kampionat. Mauro Icardi me paraqitjen e tij ka arritur të bëjë mjaft mirë ndaj Fiorentinës, ku shënoi një gol dhe dhuroi një asist.
Pas përfundimit të ndeshjes në një prononcim për “Sky Sport” është shprehur se çdo vit është e njëjta histori, kështu që nëse ka ndonjë përmirësim të kontratës, duke nënkuptuar aspektin financiar, nuk do të ketë asnjë problem.
“Çdo vit e njëjta histori. Unë jam shumë i qetë dhe do të vazhdoj t’u bëj gjërat mirë. Drejtuesit dhe gruaja ime duhet të flasin së bashku dhe nëse ka përmirësim të kushteve, sigurisht që do të kemi marrëveshje”, përfundon Icardi.
