FIFA njoftoi të nominuarit për “Fan Award”, ku tifozët peruanë dhe sjellja e tifozëve japonezë e senegalezë në Botërorin e Rusisë konkurrojnë me Sebastian Carrera, një kilian, i cili udhëtoi 1.500 kilometra për të qenë i vetmi tifoz i Deportes Puerto Montt në stadiumin “Francisco Sánchez Rumoroso”, në Coquimbo.
Historia e tifozit në fjalë kalon përmes një udhëtimi dy-ditor për të inkurajuar ekipin e tij në anën tjetër të vendit, për ku udhëtoi me autobus për të kaluar 1.490 kilometrat që ndajnë qytetet e Puerto Montt dhe Coquimbo. Kur arriti ë këtë transfertë, ai ishte mbështetësi i vetëm për miqtë, por përkundër kësaj, nuk ndaloi së inkurajuari lojtarët e tij, në një ekip ku luante edhe “El loco” Abreu dhe fitoi 2-1.
“Kjo fitore është për ty, faleminderit që na besove dhe na ndjek deri këtu pa u kujdesur për asgjë. Ju jepni gjithçka për ekipin tuaj”, – shkroi Juan Pablo Abarzua, futbollist i klubit në Twitter. Arturo Vidal e evidentoi si rast, duke deklaruar se “ky është një tifoz i zemrës”!
