Një WAG e futbollit rus, i ulëret bashkëshortit të saj pasi e ka kapur në flagrancë në një sauna, për ta akuzuar për tradhëti me një prostitutë lakuriq. Ylli i Spartak Moscow, Denis Glushakov, 31-vjeçar, po relaksohej në dhomën e avullit përpara një ndeshje të madhe, kur bashkëshortja e tij, Daria, 27 vjeçe, një kirurge dentare, e kapi në flagrancë. Ajo filmoi përplasjen me të shoqin teksa ai doli i zhveshur, mbuluar vetëm nga një peshqir, duke tentuar t’i rrëmbejë telefonin, teksa ajo pretendon se e ka kapur kapitenin e ekipit në “krim” e sipër.
Daria, mamaja e dy fëmijëve të futbollistit akuzoi: “Ata po qëndronin bashkë në tavolinë, kishte verë dhe fruta. Ajo ishte ulur në prehrin e tij, e zhveshur, ndërsa ai mbante një peshqir”. Momente më vonë, duke filmuar videon, ajo e akuzon: “Ja ku ndodhet prostitute e tij! Ja ku është. Edhe ai”. Më pas ajo e etiketon femrën tjetër si dashnoren e tij sekrete. Skena e saunas është shndërruar në virale në Rusi, ndonëse femra misterioze ishte veshur shumë shpejt në momentet kur Daria e ka filmuar në video.
