Mbrëmjen e sotme në Londër, zhvillohet mbrëmja gala e FIFA-s për shpërndarjen e çmimeve “The Best”. Një mbrëmje e cila do të mbledhë bashkë shumë emra të mëdhenj të futbollit botëror ndër vite.
LIVE ÇMIMET “THE BEST”
TRAJNERI MË I MIRË MASHKULL – Trajneri më i mirë për meshkujt, u shpall nga FIFA Didier Deshamp, pasi u shpall kampion bote me Francën, në Botërorin e Rusisë. Mes kandidaturave, ishin trajneri i Kroacisë, Zlatko Daliç, trajneri i Realit të Madridit sezonin e kaluar, Zinedin Zidan, si dhe trajneri i Francës, kampion bote, Didier Deshamp.
ÇMIMI PUSKAS – Goli më i bukur i vitit, u zgjodh ai i Mohamed Salah, në derbin mes Liverpulit dhe Evertonit. Mes kandidaturave ishin Garet Bejl në finalen e Champions, Denis Çerishev në Botërorin e Rusisë, Kristiano Ronaldo ndaj Juventusit, Xhorxhan de Araskaeta në Uruguai, Lionel Mesi me Argjentinën në Botëror, Rajli Mekgri në kampionatin australian, Benxhamin Pavard, Rikardo Kuaresma me Portugalinë në Botëror, Mohamed Salah në kampionatin anglez.
