Pa Kristiano Ronaldon (të pezulluar për shkak të kartonit të kuq ndaj Valencias), Masimiliano Alegri pritet që të hedhë në fushën e lojës një skuadër sulmuese. Dilemat që ka numri një i bardhezinjve lidhen me Dibalën dhe një rrotacion të mundshëm në repartin e mbrojtjes. Në formacionin 4-3-3, në portë pritet të jetë Shezni, ndërsa në mbrojtje ka balotazh mes Kanselos dhe Kuadrados.
Ky i fundit mund të spostohet më përpara nëse Dibala nuk ia del të jetë në 100% të formës pas goditjes që mori në kavilje ndaj Napolit. Më tej, Bonuçi pritet titullar me Barzaljin, ndërsa nga e majta Aleks Sandro. Pjaniç, me Emre Xhanin dhe Matuidinë mund të formojnë treshen në mesfushë. Përpara do të jenë Dibala-Manxukiç dhe Bernardeski.
