Nuk ka patur paqe për Mourinho-n as gjatë ndërprejes së kampionatit për shkak të ndeshjeve të kombëtareve. Në fakt, sipas “The Sun”, trajneri i Manchester United ka një teori se ndaj tij po bëhet një komplot: “Jose out in a lim”, ka qenë titulli i të përditshmes.
Një lojë fjalësh që lë të kuptohet se portugezi shikon Peter Lim, biznesmen nga Singapori, si arkitektin e komplotit që synon të largojë Mourinho-n, në mënyrë që të blejë më pas United me një çmim të ulët.
Lim është edhe pronari i Valencia-s, një skuadër që është në të njëjtin grup me “Djajtë e Kuq” në Champions League: përballja direkte e 2 tetorit të kaluar, e luajtur në “Old Trafford”, është mbyllur 0-0, duke bërë që United të humbasë kreun e grupit dhe duke shtuar kritikat kundrejt “Special One”.
