Mohamed Salah po kërkon largimin nga Liverpooli pasi dëshiron të provojë një aventurë të re në Spanjë.
“Ylli” egjiptian me shumë mundësi do t’i bashkohet skuadrës së Ernesto Valverdes, Barcelonës, ose asaj të Julen Lopetegui, Real Madrid.
Dy skuadrat në fjalë kanë shprehur një interesim të madh për të kompletuar këtë transfertë të bujshme me vlerë rreth 160 milionë euro.
Ish-sulmuesi i Romës, kandidat për “Topin e Artë”, ishte një nga lojtarët më të përfolur për një transferim të mundshëm në Real Madrid, pas largimit të Cristiano Ronaldos drejt Juventusit. Megjithatë, Kloppi, por edhe drejtuesit e Liverpoolit, e konsideronin këtë transferim si të pamundur.
Megjithatë, Salah nuk e ka filluar këtë sezon ashtu siç kishte bërë edhe vitin e kaluar. Pavarësisht mbështetjes që ka marrë nga trajneri i tij, ai ka marrë mjaft shumë kritika nga të tjerët, dhe kjo ka ndikuar që ai të kërkojë edhe më shumë largimin nga Premierliga.
Salah arriti t’i habisë të gjithë me performancat e tij gjatë sezonit të kaluar pasi ai arriti t’i shënojë 44 gola dhe i bëri 16 asiste.
