Do jenë prezentë edhe Romanjoli, Kutrone e Kaldara në derbin e shumëpritur të së dielës në mbrëmje. Dy të parët u detyruan të largoheshin nga kombëtarja, por pasi kanë kaluar problemet respektive muskulore janë totalisht në gatishmëri të trajnerit Gatuzo.
Pritet t’i bashkohet së shpejti grupit, ndërkaq, ish-lojtari i Atalantës, Andrea Konti: sipas raportimit të “Sky Sport”, rikthimi është shumë pranë (edhe pse nuk përjashtohet prania në stol për derbin). Romanjoli pritet të aktivizohet si titullar përkrah Muzakios, ndërsa Kaldara dhe veçanërisht sulmuesi do e nisin me shumë mundësi nga stoli. Në të djathtë të prapavijës do vendoset Kalabria, në të majtë Rodriguez.
