Një video që po qarkullon në rrjetet sociale, ka si protagonist portierin e Leister Sitit, Kasper Shmajkel, i cili ishte nga dëshmitarët e parë të tragjedisë së përplasjes së helikopterit të presidentit të Leisterit.

Portieri gjendej në ambientet e brendshme të stadiumit, në momentin e përplasjes së helikopterit, dhe me të dëgjuar zhurmën, është afruar bashkë edhe me shumë persona të rastit pranë vendit të ngjarjes.

Danezi 31-vjeçar, shpërthen menjëherë në lot, kur bëhet me dije se mjeti që ishte përplasur, ishte helikopteri i presidentit të klubit të tij. Shmajkel ka qëndruar deri në orët e para të mëngjesit në vendin e ngjarjes, duke pritur ndonjë lajm të mirë nga autoritetet.