Ish-trajneri i Anglisë dhe Tottenham, Glenn Hoddle, është në gjendje të keqe shëndetësore. Ai është dërguar menjëherë në spital pasi ka humbur ndjenjat në studiot televizive të “BT Sport” këtë të shtunë.
Prezantuesi Mark Pougatch ka bërë të ditur se emisioni “BT Score” është anuluar për shkak të gjendjes së Hoddle, i cili ka mbushur 61 vjeç sot.
Hoddle, i cili ka luajtur 53 ndeshje me Anglinë, është konsideruar si një nga lojtarët më të mirë të kohës së tij. Ai ka fituar Kupën e Anglisë dhe Kupën UEFA me “Spurs”. Gjithashtu, ai ka luajtur edhe me Monaco, Sëindon dhe Chelsea.
Ai ka mbulur rolin e lojtarit-trajner të Swindon dhe Chelsea. Më pas ka drejtuar Anglinë për dy vite e gjysmë.
