Fitorja e derbit është një nga ndjenjat më të bukura në jetë, sidomos kur ajo vjen përballë skuadrës së të njëjtin qytet.
I tillë ishte dhe ajo e PAOK në fushën e Arisit, me PAOK që fitoi me shifrat minimale 2-1. Një rezultat që mjaftoi për të marrë 3 pikët dhe kreun e klasifikimit, por edhe një larje makine “extra”.
Deri këtu asgjë e befasishme, por kush ishte lavazhieri i makinave të lojtarëve të PAOK? Ishte vetë presidenti, George Savides, i cili ka mbajtur premtimin e dhënë para ndeshjes duke u bërë shembull për të tjerët.
Ai kishte premtuar se do t’iu lante veturat të gjithë futbollistëve të ekipit në rast se triumfojnë në derbin e qytetit kundër Arisit. PAOK triumfoi dhe Savides u fut në aksion.
Οι παίκτες έκαναν τη δουλειά τους. Πήραν τη νίκη με τον Άρη. Τώρα ήταν η σειρά του Γιώργη Σαββίδη να τηρήσει την υπόσχεσή του. Να πλύνει τ'αυτοκίνητά τους… #PAOKFamily pic.twitter.com/B5RgC8rkDh
— PAOK FC / ΠAOK (@PAOK_FC) October 23, 2018