Khabib Nurmagomendov arriti të mposhtte në duelin e shekullit kundërshtarin e tij, irlandezin Mc Gregor. Kjo ndeshje gëzoi një shikueshmëri të veçantë anë e mbanë botës pasi përveçse thjesht një dueli, u duk se çdo gjë kaloi në çështje personale midis luftëtarëve.
Në fund të duelit, pasi Khabib fitoi ai kapërceu ringun dhe sulmoi stafin e Mc Gregor pasi sipas tij ata ofenduan fenë. Por duket se ky veprim mund t’i kushtojë titullin çeçenit. Ka qenë Dana Uajt ai i cili së fundmi ka thënë:
“Nuk mund të flas me siguri të plotë që Khabib do të vazhdojë të jetë kampioni i UFC-së. Hetimi po kryhet nga Komisioni Atletik i Nevadës. Mund të ketë sanksione, gjoba, pezullime, mund të imagjinojmë gjithçka. Guvernatori ishte këtu dhe u largua duke vrapuar nga ndërtesa dhe kjo nuk është diçka e mirë. Rripi i kampionit dhe shpërblimi financiar për Khabib është mbajtur nga Komisioni, derisa kjo çështje të zgjidhet. Conor McGregor e mori shpërblimin e tij financiar, pasi nga analizimi i videove u vërtetua se nuk bëri asgjë në atë incident”.
Ndërsa Uajt theksoi se 3 anëtarë të stafit të Khabib u arrestuan pas ngjarjeve në Las Vegas.
