Duhej të ishte ndeshja e kthesës por takimi i sotëm i mes Napolit dhe Romës është kthyer në një makth për Elseid Hysajn. Mbrojtësi i përfaqësueses shqiptare luajti 70 minuta për t’u harruar dhe pas zëvendësimit e barazimit 1-1, ka qenë ndër më të kritikuarit edhe në mediat e njohura sportive.
“Eurosport”, nuk ka kursyer kritikat ndaj futbollistit të përfaqësueses shqiptare me komentin për ndeshjen e sotme. Faqja italiane e rrjetit të njohur televiziv e ka rreshtuar mbrojtësin e përfaqësueses si më të dobëtin në fushën e lojës në ndeshjen e sotme sa i përket napolitanëve, duke i vënë notën 5, po aq sa Kolarov në anën tjetër të fushës për romanistët.
“Shpesh e dukshme, sidomos në pjesën e parë, mirëkuptimi ofensiv me Kajehon. Por nuk mungojnë topat e luajtur gabim dhe Xheko e kalon për të dërguar te goli El Sharauin”, shkruante portali i njohur.
