Eden Hazard vazhdon me raundin e tij të intervistave, edhe pse në të fundit, të cilën e dha për “Sky Sports”, ai prezanton një mundësi, që deri më tani nuk kishte qenë argumenti kryesor i përgjigjeve të tij. Nëse belgu ka folur gjithmonë se dëshiron të luajë në Spanjë dhe më konkretisht te Real Madridi, tani flet për të qëndruar përgjithmonë te Chelsea.
“Unë mund të përfundoj duke qëndruar këtu te Chelsea, nuk do të ishte problem. Jam i lumtur këtu, në këtë klub dhe këtë ekip. Familja ime është e lumtur këtu”, – tha Hazard për “Sky Sports”. – Nëse nuk shkoj në Spanjë, nuk është fare problem. I dua tifozët dhe mendoj se edhe ata më duan. Çfarëdo që të ndodhë në të ardhmen, do të jem i lumtur”.
