Dje, Tirana luajti në transfertë kundër Kastriotit, ndeshje që përfundoi me shifrat 3-2 në favor të bardhebluve. Një nga lojtarët që kontribuan në fushën e blertë për fitoren e bardhebluve, ishte Eni Imami që e nisi nga minuta e parë si titullar. Mbrojtësi i majtë zëvendësoi denjësisht Erjon Hoxhallarin, megjithatë ai s’i ka shpëtuar batutave të shokëve të tij.
Në një foto të postuar në rrjetet sociale, Imami shfaqet gjatë një dueli me futbollistin e Kastriotit, teksa ka zgjedhur diçiturën: “Edhe dy hapa dolëm në Mal të Zi”. Në sy bie komenti i Edon Hasanit, i cili e ngacmon duke shkruar: “S’paska faj ai 20-shi me këtë shal që ke ti”. Siç duket atmosfera në skuadër pas kësaj fitoreje është tejet pozitive. Kujtojmë që bardheblutë luajnë të dielën kundër Laçit në stadiumin “Selman Stërmasi”.
