Tifozët e Real Madridit ishin shumë të kënaqur me kombinimin mes dy lojtarëve të rinj, Vinicius Junior dhe Rodrygo Goes gjatë një seance stërvitore me ekipin U-20 të Kombëtares së Brazilit. Viniciusi u transferua në Real Madrid nga Flamengo gjatë afatit kalimtar të verës për 45 milionë euro. Deri më tani, ai është stërvitur me ekipin e parë, megjithatë shumicën e paraqitjeve i ka bërë me Real Madrid Castillas.
Ndërsa, për sulmuesin 17-vjeçar të Santosit, Real Madridi ka arritur marrëveshje me klubin e tij për ta transferuar gjatë afatit kalimtar të verës së ardhshme. Më 1 korrik të vitit të ardhshëm, Rodrygo do t’i bashkohet skuadrës madrilene për 46 milionë euro.
Viniciusi arriti t’ia pasojë topin pa e shikuar fare Rodrygos, të cilin përveç që e ka bashkëkombës, do ta ketë së shpejti edhe bashkëlojtar në Real Madrid. Edhe Rodrygo arriti ta shënojë një gol po aq të mrekullueshëm sa ishte edhe pasimi.
