Ministri i Brendshëm i Italisë është një tifoz i spikatur i Milanit, por duket se humbja në derbi, ashtu si të gjithë kuqezinjtë, e ka zhgënjyer pa masë edhe Matteo Salvinin.
Kjo është shfaqur qartë në një replikë në rrjetet sociale të Milanit, ku Salvini nuk e kursen ironinë me skuadrën e tij të zemrës, që për hir të së vërtetës luajti shumë keq mbrëmjen e të dielës në derbi.
Klubi i Milanit njoftoi në Instagram se është hapur fushata e shitjes së biletave për sfidën Milan-Juventus, ndërsa ministri italian ishte ndër të parët që komentoi, duke ironizuar me ndeshjen e kuqezinjve ndaj Interit.
“A është e parashikuar një gjuajtje në portë për çdo pjesë, nga ana e Milanit?”, ishte pyetja ironike që bënte Salvini, referuar derbit, ku futbollistët e Milanit nuk shqetësuan thuajse asnjëherë portën e Handanoviç.
