Vetëm nënshkrimi mungonte, edhe ai ka ardhur tani: Gian Piero Ventura është zyrtarisht trajneri i ri i Chievos. Ai kthehet në stol 11 muaj pas disfatës së rëndë në Itali-Suedi, duke e lënë Italinë jashtë finaleve të Kupës së Botës (në Rusi). Për pasojë, Ventura u bë dhe mbetet njeriu më i urryer i tifozëve italianë.
Ish-trajneri i bluve, që mbush 71 vjeç në janarin e ardhshëm, ishte gati t’i kthehej lojës së futbollit, duke pranuar stolin e një ekipi, që aktualisht zë vendin e fundit në Seria A. Ai ka nënshkruar një kontratë dyvjeçare me Chievon, ku gjithashtu merr me vete zëvendësin, Salvatore Sullo, dhe trajnerin atletik, Alessandro Innocenti. Ventura pason në këtë detyrë Lorenzo D’Anna, i cili ishte shkarkuar për rezultate të dobëta.
‼️✍️ Ufficiale: Gian Piero #Ventura è il nuovo allenatore dell'@ACChievoVerona!
Accordo biennale, insieme a mister Ventura anche il vice Salvatore Sullo e il preparatore atletico Alessandro Innocenti.
Da tutto il mondo gialloblù, un caloroso #BenvenutoMister! 💛💙 pic.twitter.com/AnIkihB8Fq— A.C. ChievoVerona (@ACChievoVerona) October 10, 2018
