Pas perudhës së pauzës për shkak të ndeshjeve të kombwtareve në Ligën e Kombeve, rikthehen emocionet e kampionateve më të rëndësishme europiane. Në Itali, Juventus e ka nisur kampionatin me marshin e 7-të, me skuadrën e Allegrit që duket e pandalshme me 8 fitore në po kaq ndeshje, teksa kundërshtari i rradhës për ta do të jetë Genoa. Një kundërshtar i kalueshëm për forcën që kanë shfaqur bardhezinjtë, por gjithsesi është një rival që duhet bërë kujdes, pavarësisht se bilanci i favorizon, Juventusi shpesh ka fituar me vështirësi ndaj tyre.
Napoli do të kërkojë t’i qëndrojë pranë Juventusit kryesues për të mos u shkëputur ende pa nisur mirë gara. Për skuadrën e Ancelottit pritet një ndeshje e thjeshtë përballë Udineses që njeh plot 3 disfata radhazi. Të kaltërit përpara pauzës shfaqën një forme të shkëlqyer duke fituar ndaj Liverpoolit në Ligën e Kampioneve dhe Sassuolos në kampionat, ndaj edhe këtë herë ata vinë si favoritë.
Roma ka lënë pas startin zhgënjyes të kampionatit me verdhekuqtë që kanë arritur të korrin 3 fitore njëra pas tjetrës në Seria A dhe ndaj Spal që po vuan mungesën e rezultateve, tre pikët duken thjesht një formalitet.
