Kur janë luajtur vetëm 7 javë në kampionatin italian ajo që bie në sy është dominimi i Juventusit dhe sulmuesi i Genoas Piatek. 23 vjeçari deri më tani ka lënë pas në klasifikimin e golashënuesve emra si Mauro Icardi , Cristiano Ronaldo apo dhe Ciro Immobile.
Krzysztof Piatek deri më tani ka shënuar 8 gola në 7 ndeshje madje ai ka shënuar në kupë 4 gola në vetëm 59 minuta përballë Lecces. Deri më tani ai është në kuotë e 12 golave në çdo kompeticion kur ende nuk ka bërë një ndeshje zyrtare në muajn tetor.
23-Vjeçari ka qenë një goleador i vërtetë dhe tek ish-ekipi i tij në Poloni, Cracovia ku në 36 ndeshje ka shënuar 21 gola. Tashmë e vetmja gjë që pritet është nëse lojtari do të ruajë ritmin më të cilin është duke shënuar. Ai ka surprizuar të gjithë ,madje dhe Ronaldo-n që e ka lënë pas me 5 gola.