Shkëmbi i bujshëm i merkatos së verës mes Kaldarës dhe Bonuçi po rezulton një dështim i madh për Milanin. 24-vjeçari është duke vuajtur një dëmtim në muskulin e pulpës dhe mësohet se do të qëndrojë larg fushave edhe 2 deri në 4 muaj të tjerë.
Kaldara u cilësua si e ardhmja e mbrojtjes kuqezi, por deri më tani më i fituar ka dalë Juventusi, që i dha kuqezinjve një futbollist të dëmtuar dhe iu mori një mbrojtës titullar.
“Gola” nuk ka vetëm në fushën e blertë, por edhe në merkato. Ky ishte një gol tipik “alla Juventus”. Gjithsesi të presim deri në momentin e rikthimit të Kaldarës në fushën e lojës, për të parë sa vendimtar do të jetë ai te skuadra e Milanit.
