Jose Mourinho është kthyer në një figurë të izoluar në Old Trafford pasi numri i lojtarëve të pakënaqur te Manchester United sa vjen e rritet. Trajneri i United ka pretenduar ditën e hënë se ai vazhdon të ketë mbështetjen e lojtarëve.
Gjithsesi, sipas Daily Mail, ai thuhet të ketë kritikuar kapitenin e ekipit Antonio Valencia pasi nuk ishte pjesë e ekipit në ndeshjen me Derby në Carabao Cup dhe si pasojë e la në stol për ndeshjen me West Ham. Marrëdhënia e tyre thuhet të jetë ftohur gjatë ditëve të fundit, dhe ata thuajse nuk flasin fare me njëri-tjetrin.
Edhe Alexis Sanchez është lënë jashtë formacionit ndaj West Ham, një vendim që ka inatosur jashtë mase lojtarin më të paguar të klubit.
Media angleze raporton se javën e kaluar disa lojtarë, përfshi Martial, Bailly dhe Pereira, i janë bashkuar Pogba-s kundër Mourinho-s teksa tensioni në kampion e United vazhdon të rritet.
Mbetet për t’u parë nëse Valencia dhe Alexis Sanchez do të jenë pjesë e ekipit për ndeshjen ndaj Valencias.
