Kombëtarja e femrave të Shqipërisë ka marrë një leksion të mirë sot në Holandë në turneun paraeliminator për kampionatin europian të moshës 19-vjeccare.
Vajzat e Nevil Dedes janë shpartalluar pa mëshirë 12-0 në një ndeshje, që i ngjau më tepër një minindeshje stërvitore.
Vetëm një goditje në portë nga vajzat kuqezi, kurse “tulipanet” kanë bombarduar me 20 goditje në portë, nga të cilat 12 u kthyen në gol.
Shqipëria përballet në vijim me Bjellorusinë dhe Poloninë, por kjo ndeshje tregoi se kombëtarja jonë e femrave ka ende punë për të bërë në mënyrë që të jetë një ekip kompakt.